Харбалаах нэһилиэгин модельнай библиотеката уонна И. Бараахап аатынан судаарыстыбаннас түмэлэ Россия күнүгэр уонна Улуу император Петр I 350 сааһыгар анаан ыччаттарга уонна оҕолорго тэрээһин ыыттыбыт. Ол курдук Россия күнүн туһунан, Петр I олоҕун чахчыларыттан элбэҕи биллилэр, көрдүлэр. Сэргэхсийэ таарыйа хамаанданнан арахсан Петр I аналлаах, саҥалыы оҥоһуулаах квест оонньуу оонньоотулар. Кырачаан оҕолорго Россияҕа култуурунай нэһилиэстибэ сылынан, нуучча норуотун туттар тэриллэрин «Аптаах уруһуй» диэн ааттаах чүмэчиннэн уруһуйдаатылар. Оҕолор сонун техниканан уруһуйу билэн астынан тарҕастыллар.

Ону таһынан Россия үрдүнэн ыытыллар #ОкнаРоссии2022 акцияҕа кыттыстыбыт.