Алтынньы 31 күнэ, Харбалаах нэһилиэгэ тэриллибитэ 115 сылыгар аналлаах нэһилиэкпит символларын билиһиннэрэр тэрээһин буолла.
Дьаралык бэлиэтэ:
Төгүрүк быһыылаах куормалаах. Тас интигэр Харбалаах нэһилиэгэ диэн суруктаах, ис иитигэр ортотунан маҥан куба көтөн иһэр ойуута иннин икки аҥы араарар, үөһэ өттүгэр бааһына, солооһун ойуута көстөр уонна бурдук куоластара. Аллараа өттүгэр харыйа ойуута баар. Бу Харбалаах нэһилиэгин үс түөлбэтин туоһулуур: куба – Кубалаах, харыйа – Харыйалаах, бааһына – Майаахы. Куба маҥан өҥнөөх, куоластар, бааһына – араҕас, араҕас өҥҥө халлаан күөх харыйалар көстөллөр. Куба кэннэ эмиэ халлаан күөх.
Былаах:
Усталыы түөрт муннук быһыылаах. Былаабы үс гына араарар икки араҕас өҥнөөх долгун усталыы барар, долгуннар үөһэ – аллараа өттүлэрэ халлаан күөх өҥҥөөх. Ортото от күөх өҥнөөх. Долгуннар уонна халлаан күөх өҥ Харбалаах нэһилиэгэ атын нэһилиэктэртэн икки үрэҕинэн быысаһарын көрдөрөр. От күөх өҥө – нэһилэк сирин-уотун быйаҥын, өйүн-быйаҥа.
Өрөгөй ырыата:
Өрөгөй ырыатыгар Харбалаах сирэ-уота, турар балаһыанньата, айылҕата, нэһилиэк түөлбэлэрэ, улуу дьоммут И.Барахов, Н.Якутскай тустарынан, дьонун-сэргэтин ыччатын тустарынан суруллубут. Тыла нэһилиэкпит олохтооҕо Дмитрий Иванович Кононов, дьүрүскэнэ Саха Өрөспүүбүлүкэтин мелодистарын сойууһун чилиэнэ, самодеятельнай композитор, Люция Слепцова – Бандерова – Айыллаана.
