Бүгүн тапталлаах, Харбалаахпыт нэһилиэгэ төрүттэммитэ 115 сылыгар анаан дьоһуннаах бырааһынньык буолла.
Былыр билиҥҥи Харбалаах сирэ Чочу нэһилиэгин сирэ эбит. 1858 с. билиҥҥи Харбалаах сиригэр барыта 529 киһи олорбут. 1907 с. аҕыс аҕа уустара (Баһах, Доҕомдо, Хатарча, Тойук, Сылгылыыр, Дордууска, Матаҕалыыр, I –Чочу Харыйа Арыы) Саха уобалаһын управатыгар, Харбалаах нэһилиэгэ сирэ-уота ырааҕынан, икки үрэх сайынын хаайан нэһилиэнньэ кыһалҕатын быһаарсарга эрэйдэнэллэрин ыйан туран Харбалааҕы туспа нэһилиэк оҥорор наадалааҕын туруорсан Саха уобалаһын Управатыгар сурук түһэрбиттэр. Ол түмүгэр 1908 с. балаҕан ыйын 13 күнүгэр Саха уобалаһын Генерал-Губернаторын дьаһалынан Харбалаах туспа нэһилиэк быһыытынан билиниллибит.
