ХАРБАЛАХСКАЯ СЕЛЬСКАЯ МОДЕЛЬНАЯ БИБЛИОТЕКА

«Исиидэр Бараахап оҕо сааһа»

Олунньу 2 күнүгэр, биллиилээх государственнай уонна партийнай деятель Исидор Никифорович Барахов төрөөбүтэ 125 сылынан, Үөһээ Бүлүүгэ 2023 – И.Н. Барахов сылынан Харбалаах нэһилиэгин модельнай библиотеката уонна И.Н. Барахов аатынан СӨ судаарыстыбаннаһын музейа «Ааҕыыттан билиигэ» диэн кыттыгас бырайыакпыт чэрчитинэн «Исиидэр Бараахап оҕо сааһа» диэн оҕолорго Исиидэр туһунан иһитиннэрии буолла. Инники кэскиллэрбит, ыччаттарбыт биир дойдулаахпыт аатын өрүү ааттыы, киэн тутта сылдьыахтара диэн сыаллаан-соруктаан, үбүлүөйдээх сылбытын саҕалаатыбыт.
И.Н. Барахов аатынан СӨ судаарыстыбаннас музей идэлээх үлэһитэ Семенова Евдокия Павловна бэлэмнээбит видеотын көрдүлэр.

Тэрээһиҥҥэ анаан закладка оҥоһулунна, онно 5 ыйытыыга тутатына оҕолор эппиэттээн бэйэлэрэ суруйдулар, кинигэ быыһыгар укта сылдьан Исиидэр оҕо сааһын саната сылдьыа.
Өр тымныыттан дьиэҕэ олорбут оҕолор, Исиидэр оҕо сааһын туһунан эбии элбэҕи билэн, үөрэн – көтөн тарҕастылар.