“Харбалаах” Дмитрий Кононов

Хас киһи төрөөбүт дойдулаах,

Көччүйэ улааппыт уйалаах,

Чыбыыда, Быракааан хаймыылаах,

Биһикпит биһиэнэ Харбалаах.

Майаахы, Эбэ, Харыйалаах,

Нэһилиэк киинэ Күл, Кубалаах.

Түөлбэлээн олорбут Тоҥуулаах,

Биирдиитэ ураты суолталаах.

Исиидэр Бараахап алгыстаах,

Күүс ылбыт Улуукан Сыһыылаах,

Ньукулай Дьокуускай алыптаах,

Айар тыл иҥэрбит алаастаах.

Үлүскэн үлэҕэ кыайыылаах,

Бар дьонуҥ үтүөкэн майгылаах.

Сырдыкка, кэрэҕэ ыралаах,

Ыччатын үөрэххэ сыралаах.

Төрөөбүт өҥ буорун тардыылаах,

Төлкөбүт сандаарар саргылаах.

Үйэни кытта тэҥ хардыылаах,

Үүнэҕин, сайдаҕын Харбалаах!