Былыр оҕонньордоох эмээхсин бааллара үһү. Оҕонньор тууһут идэлээҕэ.
Биир киэһэ оҕонньор, туутун кэрийэн баран, балай эрэ элбэх балыгы аҕалбыт. Эмээхсин оҕонньор бултаан аҕалбыт булдун булкуйа олордоҕуна, биир мааны ыалдьыт көтөн түспүт. Бэрт ыраахтан иһэр киһи эбит. Балайда өр кэпсэппэхтээн баран, оҕонньор эмээхсинигэр билэр киһи курдук эппит: “Мундууруйа солууруйа буһаарыйа, собооруйа хоспооруйа кистээрийэ”.
Ону ыалдьыт бастаан өйдөөбөтөх, ол икки ардыгар оҕонньор кэпсээнинэн аралдьытан кээспит.
Эмээхсин соботун талан хоспоххо таһаарбыт, мундутун буһарбыт. Мунду эрэ буспутун көрөн, ыалдьыт баарыыҥҥы кистэлэҥ кэпсэтии хоһоонун сэрэйбит. Ол сэрэйэн, кэлэйэн, аһаабакка барбыт. Оҕонньордоох эмээхсин мундуларын, соболорун бэйэлэрэ мээтиргэтэн кээспиттэр.
Онтон ыла оҕонньор бултуур булда төннүбүт, кэччэгэй быһыыларыттан олохторо кэхтибит үһү.

Тылы кыра оҕолорго быһаарыы:
Туу-балыктыыр тэрил.
Тууһут-туунан балыктыыр идэлээх киһини итинник дииллэр. Холобура, балык-балыксыт.
Хоспох– туспа турар кыра сээкэйи уурар сир.
Кэхтибит-баайдык олорон эрэн дьадайбытта, олохторо төннүбүт.
Мунду-кыра балык.
Собо-саамай улахан балык.
Мээтиргэтэн-сиэн кээспиттэр.

Сорудах:

Биир тыынанан ахсаан чабырҕаҕы ааҕыы.
ТУУСТААБЫТ ТУМАЛААБЫТ ТУРУЙА СЫМЫЫТА –БИИР,
ТУУСТААБЫТ ТУМАЛААБЫТ ТУРУЙА СЫМЫЫТА-ИККИ, …
Ити курдук салгыы ахсааны биир тыынынан ааҕаҕыт. Диктофоҥҥа устан ыытаҕыт. 89142681237 Рузанна Ахмедовнаҕа тиксэрэҕит. Түмүк аныгы бээтинсэҕэ тахсыа.