Бүгүн Харбалаахпыт нэһилиэгин уструоруйатын биир лииһин арыйар бэрт интэриэний, ааҕааччыны угуйар кинигэ биһирэмэ ыытылынна.

“Харбалаах нэһилиэгэ, алаас ааттаах, дойду сурахтаах” диэн кинигэ ааптара СӨ култууратын туйгунун, СӨ бочуоттаах бэтэрээнэ, Үөһээ Бүлүү улууһун култуураҕа бочуоттаах үлэһитэ, Харбалаах нэһилиэгин бочуоттаах олохтооҕо, И.Н. Барахов – аатынан СӨ судаарыстыбаннаһын түмэлин сэбиэдиссэйэ, биэс кинигэ ааптара Светлана Даниловна Копыленко

Кинигэ “Дани-Алмас” кинигэ кыһатыгар быйыл бэчээттэнэн таҕыста. Кинигэ ахсаана 100 устуука. Аан тылыгар ааптар бу кинигэ тахсарыгар көмөлөспүт дьонугар махталын тиэрдибит. Кинигэ тас ойуутугар ааптар төрөөбүт алааһа Тоҥуулаах хаартыската, форзаһыгар учуутал Миронов Анисим Васильевич оҥорбут сирдэр барыллаан схемата киирбит. Кинигэҕэ араас сыллардааны 35 хаартыска киирбит. Нэһилиэк устуоруйатын туоһулуур кинига 6 төбөттөн турар:

Бастакы төбө “Нэһилиэним сирин-уотун, өтөхтөрүн, күөллэрин ааттара” ыйыннык

Икки төбө “Үйэлэр мындааларыттан”

Үһүс төбө “Нэһилиэкпит олоҕун ыллыктарынан”.

Төрдүс төбө “Сүрэхтэн сүппэт сырдык сыдьаайдар”.

Бэһис төбө “Кэм-кэрдии оһорботох баастара”.

Алтыс төбө “Тоҥуулаах – оҕо сааһым өлбөөдүйбэт өйдөбүлэ”.

Бастакы төбөҕө Харбалаахпыт 309 сирин аата киирбит. Алаастарга хайа ыаллар олорбуттара, тоҕо маннык ааттаммыта, суолтата суруллубут. Кэнчээри ыччакка олус туһалаах ыйынньык. Бу курдук нэһилиэкпит сирин-уотун ааттарын биир сиргэ түмүллүбүтэ аан бастакы. Светлана Даниловнаҕа махтаныах тустаахпыт.

Иккис төбөҕө нэһилиэк дьикти дьоҕурдаах дьоно ааҕааччы интэриэһин тардыа дии саныыбыт.

Үһүс төбө аата этэрин курдук нэһилиэкпитигэр олоро сылдьыбыт бэлиэ дьон олохторуттан ааптар тус бэйэтэ истибит, ахтыыларга олоҕурбут, ханна да бэчээттэммэтэх чахчылар киирбиттэрэ кинигэ ис хоһоонун байытар.

“Сүрэхтэн сүппэт сырдык сыдьаайдар” төбөҕө Харбалаахпыт 12 сис ыалын дьонун туһунан суруллубут. Ааптар субу аттыбытыгар баар-суох буолбут дьону уустан-ураннаан суруйан ааҕааччыга бу баардыы тилиннэрэн көрдөрөр.

Төрдүс төбөҕө киирбит сэттэ суруйуу Аҕа дойду Улуу сэриитин оспот бааһын тиэмэтин арыйар ахтыы-кэпсээннэртэн турар.

Кинигэ түмүгэр ааптар төрөөбүт ахтылҕаннаах алааһа Тоҥуулаах туһунан үтүө өйдөбүллэри арыйан суруйар.

Онон кинигэни ким баҕар илиитигэр ылан кырааска сыттаах лиистэрин арыйталаан Харбалаахпытыгар олорон ааспыт дьонун-сэргэтин, алаастарны ааттарын туһунан ааҕан тус бэйэтигэр үтүө өйдөбүлү хаалларыа

Ыҥырыылаах ыалдьыттар, нэһилиэк аҕам саастаахтара кинигэ элбэх үлэттэн тахсыбытын сыаналаатылар, кинигэҕэ элбэх матарыйаал киирбэтэҕин бэлиэтээн өссө иккис туома тахсарын, нэһилиэк ыалын аайы баар буоларын баҕардылар.